對於自己寫 ge 野，一直唔覺有咩古怪。
但有細心 ge 朋友捉到我，
一小段裡面會出現好多個 "我" 字。
果個朋友根據二手資訊 ge 分析，
結論係：呢類人比較自我中心...
聽完之後，十足十俾人判左死刑一樣。
自我中心，一個點聽都係負面 ge 性格定形，
由果日開始，我好留意自己呢個問題，
盡可能寫野唔寫個 " 我 " 字，
希望調校一下自己 ge 性格。
得意 ge 事發生左喇！
有人睇完我 ge 一篇短稿之後問我：
『 點解你 d " 我 " 字唔見哂 ge ? 』
哈 ..結果係寫野手法一 d 都冇變過，
我份人都冇變過 ..
只係份稿 d " 我 " 字隱左形咋。
唯一響寫野果陣， keep 得好 ge 係，
我唔會寫口語文法溝書面語文法 ge 野，
因為我睇到呢類文，會有閱讀困難。
